Geymsluskilyrði bóluefnis BioNTech/Pfizer (Comirnaty) gegn COVID-19 hafa verið útvíkkuð á þann veg að nú má geyma óopnuð bóluefnaglös í allt að einn mánuð í hefðbundnum kæli (2-8°C) eftir þíðingu. Áður mátti einungis geyma þau í 5 daga í kæli. Breytingin byggir á gögnum úr nýrri rannsókn sem markaðsleyfishafi lyfsins sendi til Lyfjastofnunar Evrópu (EMA).
Lyfjatextar (SmPC og fylgiseðill) hafa nú verið uppfærðir með þessum nýju geymsluskilyrðum.