Nýlega kom út fjórða tölublað fréttabréfs Lyfjastofnunar Evrópu (EMA) þar sem fjallað er um breytingar sem verða með tilkomu nýrra laga um dýralyf. Þær breytingar byggja á reglugerð Evrópusambandsins frá 11. desember 2018, sem mun ganga að fullu í gildi 28. janúar 2022 eftir rúmlega þriggja ára aðlögunartímabil.
Á aðlögunartímanum hefur verið unnið að ýmsum betrumbótum. Í nýja fréttabréfinu er m.a. sagt frá því að vinna við uppsetningu nýs gagnagrunns dýralyfja fyrir allt EES svæðið gangi vel og að tilteknum áfanga vinnunar hafi verið náð í mars sl. Þá segir jafnframt að áfram sé unnið að því að safna upplýsingum um sölu sýklalyfja fyrir dýr, verkefni sem hófst á síðasta ári.
Fimmta tölublað fréttabréfsins verður gefið út í maí.
Fyrri tölublöð um breytingar á dýralyfjalöggjöfinni er að finna á vef EMA.