Skráðu lyfin Flúoxetín Actavis 20 mg 30 og 100stk, lausnartöflur eru nú ófáanlegar hjá heildsala og í flestum apótekum. Ástæða fyrir skorti er skortur á virka efninu hjá framleiðanda sem tefur framleiðslu á lyfinu.
Samkvæmt umboðsaðila lyfsins er ekki von á lyfinu fyrr en í byrjun nóvember.
Ráð til lækna og lyfjafræðinga:
Á markaði eru önnur lyf sem innihalda sama virka efni og Flúoxetin Actavis, lyfið Fontex 20 mg 100 stk dreifitöflur og eftirfarandi lyf á öðru lyfjaformi, Fluoxetin WH og Fluoxetin Mylan 20mg hylki.
Ráð til lyfjanotenda:
Ef nauðsynlegt reynist að stöðva eða skipta um lyfjameðferð er mikilvægt að það sé gert í samráði við lækni.