Innan tíðar hefst árleg bólusetning við inflúensu. Inflúensubóluefnin fyrir veturinn 2021-2022 innihalda tvo nýja veirustofna.
Veirustofnar í inflúensubóluefnunum
A/Victoria/2570/2019 (H1N1)pdm09-líkur stofn (nýr)
A/Cambodia/e0826360/2020 (H3N2)-líkur stofn (nýr)
B/Washington/02/2019-líkur stofn
B/Phuket/3073/2013-líkur stofn.
Samkvæmt upplýsingum frá embætti landlæknis hefur sóttvarnalæknir gert samning við dreifingaraðilann Vistor og verður bóluefnið VaxigripTetra notað í bólusetningum veturinn 2021-2022. Alls voru 95.000 skammtar keyptir fyrir veturinn. Bóluefnið er annað tveggja inflúensubóluefna sem eru á markaði á Íslandi.
Inflúensubóluefni sem eru á markaði á Íslandi
| Fullt heiti | ATC flokkur | Innihaldsefni | Lyfjaform | Íkomuleið | Aldurshópur |
| VaxigripTetra 15 míkróg Stungulyf, dreifa í áfylltri sprautu | J07BB02 | Inflúensuveira (deydd, klofin) | Stungulyf, dreifa í áfylltri sprautu | Til notkunar í vöðva, til notkunar undir húð | Frá 6 mánaða aldri |
| Influvactetra 15/15/15/15 míkróg/skammt Stungulyf, dreifa í áfylltri sprautu | J07BB02 | Inflúensuveiru yfirborðsmótefnavakar (óvirkjaðir) | Stungulyf, dreifa í áfylltri sprautu | Til notkunar í vöðva, til notkunar undir húð | Frá 6 mánaða aldri |
Bæði bóluefnin eru ræktuð í frjóvguðum hænueggjum úr heilbrigðum hænsnahópum.
Skammtar fyrir bóluefni á markaði
VaxigripTetra: Fullorðnir: Einn 0,5 ml skammtur.
Börn: Börn 6 mánaða til 17 ára að aldri: Einn 0,5 ml skammtur.
Handa börnum yngri en 9 ára að aldri, sem ekki hafa verið bólusett áður, á að gefa annan 0,5 ml skammt eftir 4 vikur.
Influvactetra: Fullorðnir: 0,5 ml.
Börn: Börn frá 6 mánaða til 17 ára: 0,5 ml.
Börn yngri en 9 ára, sem hafa ekki verið bólusett áður með árstíðabundnu inflúensubóluefni: Gefa skal annan 0,5 ml skammt eftir a.m.k. fjórar vikur.
Inflúensubóluefni sem hafa markaðsleyfi, en eru ekki á markaði á Íslandi
J07BB01 – Inflúensuveira óvirk
Pandemic Influenza Vaccine H5N1 Baxter
J07BB02 – Inflúensa hreinsaðir mótefnavakar
Adjupanrix
Aflunov
Fluad Tetra
Fluarix Tetra
Flucelvax Tetra
Foclivia
Influvac
Supemtek
J07BB03 – Inflúensuveira, veikluð
Fluenz tetra
Pandemic influenza vaccine H5N1 AstraZeneca