16.febrúar 2020
Lausasölulyfið Vanquin (Pyrvinum) 50mg húðaðar töflur er ófáanlegt hjá heildsölu.
Fyrirsjáanlegt er að Vanquin verður ekki fáanlegt nema í takmörkuðu magni frá framleiðanda og heildsölu fram á árið 2021.
Vanquin er eina lausasölulyfið á markaði sem notað er til meðferðar á Njálg.
Á markaði er til annað lyf við Njálg, lyfið Vermox (Mebendazolum) 100mg töflur og Vermox mixtúra/dreifa 20mg/ml. Athugið að lyfið Vermox er lyfseðilskylt.
Ráð til lyfjanotenda:
Enn eru til einhverjar pakkningar af Vanquin í apótekum landsins. Lyfjastofnun beinir til þeirra lyfjanotenda sem grípa í tómt í apóteki að kanna hvort lyfið sé fáanlegt í öðru apóteki hér á landi. Listi yfir apótek á Íslandi.
Ef nauðsynlegt reynist að rjúfa eða skipta um lyfjameðferð er mikilvægt að það sé gert í samráði við lækni.
Ráð til lækna og lyfjabúða:
Búast má við aukinni eftirspurn eftir lyfjaávísun og sölu lyfinu Vermox á meðan Vanquin er í skorti.