Fréttir

Lyfið Harmonet getnaðarvörn ófáanlegt hjá framleiðanda

Von er á lyfinu til landsins í maí nk.

18.2.2019

Lyfið Harmonet getnaðarvörn er ekki fáanlegt hjá framleiðanda vegna vandkvæða við framleiðslu þess. Lyfið er einnig ófáanlegt hjá heildsölum á Íslandi. Ekkert lyf með sama virka innihaldsefni er á markaði en von er á lyfinu til landsins í maí á þessu ári. Í millitíðinni er unnið að því að því að útvega undanþágulyf og standa vonir til að það verði komið í sölu í næstu viku. Fréttin verður uppfærð með nýjum upplýsingum þegar þær berast.

Ráð til lyfjanotenda

  • Lyfjastofnun beinir til þeirra lyfjanotenda sem grípa í tómt í apóteki að kanna hvort lyfið sé fáanlegt í öðru apóteki hér á landi. Listi yfir apótek á Íslandi.
  • Ef nauðsynlegt reynist að skipta um hormónagetnaðarvörn er mikilvægt að það sé gert í samráði við lækni.
  • Þegar skipt er um hormónagetnaðarvörn (annað virkt efni) er mikilvægt að hafa í huga að virkni lyfja getur verið mismunandi. Ekki er öruggt að nýja getnaðarvarnalyfið veiti sömu vörn og það sem notað var áður. Til að tryggja að þungun eigi sér ekki stað ætti að íhuga notkun annarrar getnaðarvarnar samhliða s.s. smokksins.
  • Einnig er mikilvægt að kynna sér þær öryggisupplýsingar sem við eiga þegar skipt er um hormónagetnaðarvörn. Þessar upplýsingar má nálgast hjá lækni eða hjúkrunarfræðingi sem og í fylgiseðli lyfsins.


Afhverju er lyfið ekki til? Grein um lyfjaskort - ástæður og úrræði

Til baka Senda grein