Í fylgiseðli lyfsins er fjallað um við hvaða skilyrði á að geyma lyfið til þess að tryggja öryggi og verkun þess. Það getur verið mikill munur á geymsluskilyrðum og geymsluþoli eftir eðli lyfja og þess vegna er öruggast að fylgja alltaf leiðbeiningum lyfsins. Í fylgiseðlinum er að finna nákvæmar upplýsingar um hvort lyfið þoli hita.
Lyf sem undir venjulegum kringumstæðum á að geyma við stofuhita þarf ekki að geyma í kæli. Það getur jafnvel verið að ekki megi geyma ákveðin lyf í kæli ef að lyfið þolir illa raka.
Sum fljótandi lyf og krem geta verið viðkvæm fyrir bæði hita og kulda.
Flest lyf á að geyma:
- Þar sem börn hvorki ná til né sjá
- Á þurrum og svölum stað
- Í upprunalegri pakkningu lyfsins
- Gjarnan í læstum lyfjaskáp
