Fréttir

Bréf til heilbrigðisstarfsmanna (DHPC) – Modiodal, Modafinil Bluefish og Aspendos

Hugsanleg hætta á vansköpun fósturs.

27.5.2019

Markaðsleyfishafar sérlyfja sem innihalda modafinil hafa í samráði við Lyfjastofnun Evrópu og Lyfjastofnun sent bréf til heilbrigðisstarfsmanna til þess að koma á framfæri nýjum öryggisupplýsingum um lyfið.

Upplýsingarnar komu fram í kjölfar árlegrar skoðunar á gögnum úr gagnagrunnum um notkun Nuvigil® og Provigil® á meðgöngu í Bandaríkjunum.

Samkvæmt tilkynningum eftir markaðssetningu er grunur um að notkun modafinils á meðgöngu valdi vansköpun fósturs, þ.á.m. á hjarta þess.

Modafinil á ekki að ávísa til þungaðra kvenna eða kvenna sem geta orðið þungaðar.

Nánari upplýsingar er að finna í bréfinu, og að auki má finna ítarlegar upplýsingar um Modiodal, Modafinil Bluefish og Aspendos í sérlyfjaskrá.

Yfirlit yfir bréf til heilbrigðisstarfsmanna.

Til baka Senda grein