Fréttir

Bréf til heilbrigðisstarfsmanna (DHPC) – Segavarnarlyf til inntöku með beina verkun

Lyfin Eliquis, Pradaxa, Lixiana og Xarelto eru ekki ætluð sjúklingum með andfosfólípíð heilkenni (e. antiphospholipd syndrome) vegna hugsanlegrar aukinnar hættu á endurtekinni segamyndun.

23.5.2019

Markaðsleyfishafar segavarnarlyfjanna Eliquis (apixaban), Pradaxa (dabigatran etexílat), Lixiana/Roteas (edoxaban) og Xarelto (rivaroxaban) hafa í samráði við Lyfjastofnun Evrópu og Lyfjastofnun sent bréf til heilbrigðisstarfsmanna. Bréfið fjallar um aukna tíðni segamyndunar hjá sjúklingum sem greinst hafa með andfosfólípíð heilkenni og hafa notað rivaroxaban samanborið við warfarín.

Talið er að önnur segavarnarlyf til inntöku með beina verkun líkt og apixaban, edoxaban og dabigatran etexílat gætu tengst ámóta aukinni hættu á endurtekinni segamyndun, samanborið við K-vítamínhemla svo sem warfarín.

Nánari upplýsingar er að finna í bréfinu, og að auki má finna ítarlegar upplýsingar um lyfin Eliquis, Pradaxa, Lixiana og Xarelto í sérlyfjaskrá.

Yfirlit yfir bréf til heilbrigðisstarfsmanna.

Til baka Senda grein